|
Dialäkt: Mìlhüüserdiitsch |
Acta Apostolicae Sedis [ˈakta aposˈtolit͡ʃe ˈsedis](info)[1] (AAS, „Àmtsblàtt vum Àposchtoolischa Schtüahl“) sìnd zitter 1909 s’ Àmtsblàtt vum Hailiga Schtüahl.[2] Vu 1869 bis 1908 hàt’s d’rfìr s’ hàlbàmtliga Blàtt Acta Sanctae Sedis [ˈakta 'sankte ˈsedis](info)[1] gaa. D’ Acta waara vum Schtààtssekretàriààt üssgaa.
Àm 29. Septamber 1908 hàt dr Pàpscht Pius X. fiirlig mìt’ra Àposchtoolischa Konschtituzioon d’ Ärschtällung vu da AAS verkìndigt un hàt wälla, àss àlla pàpschtliga Schtìftschtìckla mìt’m Àbdruck ìn da AAS gedruckt wara.[3] Àm 31. Dezamber 1908 hàt dr Kàrdinààlschtààtssekretäär Rafael Marry del Val asoo gmàcht, fìr àss d’ àmtliga Veräffentligunga vum Àposchtoolischa Schtüahl jetz numma noch ìn da AAS ärschììna un nìmm ìn da Bischeef gsandt waara. Domìt hàt maa d’ Bischeef waltwitt verpflìchta, d’ AAS z’ àbonniara. Jedoch hann nìt àlla Bischeef dara Verpflìchtung gfolgt.[3]
Zitter Janner 1909 düan ìn da AAS àlla Verlüütbààrunga vum Hailiga Schtüahl ärschiina, maischt uff Làtiinisch. S’ Blàtt ärschiint normààlerwiis jeeder Moneet.
D’ Gsätzer odd’r Üssfiahrungsb’schtìmmunga, wo ìn da AAS verkìndigt wara, hann gweehnlig a üniwärsälla Galtung. Ìm Codex Iuris Canonici vu 1983 ìsch b’schtìmmt:
„Allgemeine kirchliche Gesetze werden durch Veröffentlichung im offiziellen Publikationsorgan Acta Apostolicae Sedis promulgiert, wenn nicht in einzelnen Fällen eine andere Promulgationsweise vorgeschrieben ist […]“[4]
D’ Gsätzer un Verordnunga, wo numma d’ Vàtikàànschtàdt betraffa, wara zitter 1929 ìn dr Biilààg Leggi e disposizioni dello Stato della Città del Vaticano veräffentligt. Supplemento ad „Acta Apostolicae Sedis“ — doo ìsch uff Itàliaanisch gschrììwa. S’ vàtikàànischa Gsundgsätz vu 2001 ìsch àui doo drìnn gedruckt worra.
A Tail vu da Küriabeheerda hàt àui siina aigana Publikàzioonsorgààna, wu-n-ìhra Verlüütbààrunga veräffentligt wara. D’ pàpschtliga Verlüütbààrunga hàt maa ìm 19. Joohrhundert un ìn dr äärschta Hälfta vum 20. Joohrhundert hüüfig ìn da kìrchliga-n-Àmtsblatter àbgedruckt. Hìttz’tààgs wara sa ìn da Publikàzioonaräiha vu da Bischoofskumferanza-n-àbgedruckt.
© MMXXIII Rich X Search. We shall prevail. All rights reserved. Rich X Search